Достық станциясында экспорттық жүктерді беру бойынша ТЖЫҰ жылдық жоспары мерзімінен бұрын орындалды

           2023 жылғы 13 қарашада Достық шекаралық өткелі арқылы Алашаңқай станциясына (ҚХР) салмағы 3700 тонна қазақстандық жүктер құрамы берілді. Осылайша, ҚХР-ға экспорттық жүктерді беру жөніндегі 2023 жылға арналған Теміржол ынтымақтастығы ұйымының (ТЖЫҰ) кеңесінде келісілген жоспар мерзімінен бұрын орындалды. Жыл басынан бері Достық станциясы арқылы ҚХР-ға 10 млн астам экспорттық жүк берілді. Экспортқа астық, көмір, кен, май, түйіршіктер, концентрат, мыс, калий, кокс, мырыш, феррохром, ферроқорытпа және басқалары артылды.

        Екі ел теміржолшыларының бірлескен күш-жігері мен үйлесімді жұмысының арқасында Достық станциясының 30 жылдық тарихында алғаш рет ҚХР-ға экспорттық жүктерді беру жөніндегі стратегиялық көрсеткіштер қарашаның екінші онкүндігінің басында орындалды.