Алматы – Отар теліміндегі пойыздар қозғалысы қалпына келтірілді

Алматы жол бөлімшесінің Алматы-Отар телімінде 14 сағат 15 минутта пойыздардың қозғалысы қалпына келтірілді.

Оқиға орнында вагондардың рельстен түсу зардаптарын жою жұмыстары жалғастырылуда. Аталмыш жұмыстарға Алматы-1 және Шу станцияларынан бағытталған екі қалпына келтіру пойызы жұмылдырылып отыр.

Оқиға салдарынан жолдың 75 метрі зақымдалып, 11 жолаушылар пойызының тұрып қалуы орын алды. Құрбан болғандар мен зардап шеккендер жоқ.

Вагондардың рельстен шығу себептерін анықтау мақсатында оқиға жерінде «Қазақстан темір жолы» ҰК» АҚ арнайы комиссиясы жұмыс жүргізуде.

«ҚТЖ — Жүк тасымалы» АҚ
баспасөз қызметі