Темір жол арқылы көмірді экспортқа тиеу тарихи рекордқа жетті

2025 жылғы маусым айында «Шубаркөл Көмір» АҚ көмірін экспортқа темір жол арқылы тасымалдау көлемі жаңа рекорд орнатып, 841 мың тоннаны құрады. Бұл ағымдағы жылдың орташа айлық көрсеткішінен 26 %-ға артық. Мұндай жетістікке теміржолшылар мен тасымалдау үдерісіне қатысушылардың үйлесімді еңбегі мүмкіндік берді.

Ай қорытындысы бойынша барлығы 1,2 миллион тонна көмір тасымалданып, өткен жылдың сәйкес кезеңімен салыстырғанда 11,1 %-ға көп болды. Қазақстан аумағының ішкі бағыттары бойынша 326 мың тонна көмір жеткізілді.