Жаңа егіннің 7,4 млн тоннадан астам астығы теміржол көлігімен тасымалданды

2025 жылғы ақпанда ҚТЖ желісінде 1,3 млн тоннадан астам астық тиелді, бұл 2024 жылдың ұқсас кезеңі көрсеткіштерінен 49% артық. Ішкі тасымалдар 282 мыңнан астам тоннаны құрап, 37% өскен. Астық экспорты 1 млн тоннадан асты, бұл өткен жылмен салыстырғанда 53% көп.

Астық экспорты айтарлықтай өсімді көрсетті: Тәжікстанға ол 39%, Түрікменстанға — 99%, Ауғанстанға — 26%, ал Қырғызстанға-4 есе өсті. Ақтау және Құрық порттары арқылы Иранға экспорт 6 есе артты.

Маркетингтік жылдың бірінші жартыжылдығында (2024 жылдың қыркүйегінен 2025 жылдың ақпанына дейін) ҚТЖ желісі бойынша жаңа егін астығын тиеу 47% өсіммен 7,4 млн тоннаны құрады. Республика бойынша астық тасымалы 30% артып, 1,6 млн тоннаға жетті. Экспортқа теміржол көлігімен 5,8 млн тоннадан астам астық жөнелтілді, бұл өткен жылмен салыстырғанда 53% артық.

Орталық Азия елдеріне астық экспорты 33% өсіп, 3,2 млн тоннаны құрады, ал Ауғанстанға 36% артып, 248 мың тоннаға жетті.