Шахматтан балалар турниріне 10-13 жас аралығындағы 24 жас гроссмейстер қатысып, өңірлік іріктеу жарыстарында ақ-қара тақтада үздік атанды. Теміржолшылар балалары арасындағы турнирдің бастамашысы және ұйымдастырушысы «ҚТЖ-Жүк тасымалы» – «Теміржол, автомобиль, әуе және су көлігі қызметкерлерінің қазақстандық салалық кәсіптік одағы» ҚБ филиалы.

Турнирдің мақсаты – балалар арасында салауатты өмір салтын насихаттау, олардың ұйымшылдық пен ұжымшылдық, зияткерлік даму және стратегиялық ойлау дағдыларын қалыптастыру.

Балалар турнирге еліміздің түрлі өңірлерінен келді. Игорь Набокин Семей командасының өкілі. Шахматта жас жігіт 6 жылдан бері ойнап келеді. 11 жасында ол бірнеше рет өңірлік турнирлердің чемпионы болды.

  - Маған шахмат ойнау өте ұнайды. Олар маған математикалық есептерді шешуге және ойлауды дамытуға көмектеседі, - дейді жас жігіт.

Турнир Швейцария жүйесі бойынша өтті. Бірінші орынды Атырау қаласынан келген теміржол саласы зейнеткерінің немересі Әмір Әлжан жеңіп алды. Дінмұхамед Совет екінші орынға ие болды. Бала Жамбыл станциясынан келді, әкесі вагон депосында жұмыс істейді. Жүлдегерлер үштігін Жіңішке станциясы пойыз құрастырушысының ұлы Сақыпжан Нұрхан түйіндеді.

Кәсіподақ филиалының төрағасы Ермек Төлегенов балаларды республикалық турнирдің аяқталуымен құттықтап, шахмат саласында жаңа жеңістер мен жетістіктер тіледі: «Балалар ақ-қара тақтада тамаша ойын көрсетті. Көптеген адамдар бірнеше жылдар бойы бір-бірін жақсы біледі, жарыстарда кездесіп, бәсекелес болып қана қоймай, достасып та алған».

Сондай-ақ, турнирге қатысушылар үшін кәсіподақ филиалы елорданың көрікті жерлеріне экскурсия ұйымдастырды. Өңірлерден көптеген балалар Астанаға алғаш рет келді, олар үшін бұл еліміздің бас қаласын тамашалауға тамаша мүмкіндік.