Қазақстаннан Қытайға теміржол көлігімен жүк экспорты 37% өсті

«ҚТЖ» ҰК» АҚ-да 2023 жылдың бірінші жартыжылдығындағы ҚР мен ҚХР шекаралық темір жолдарының жұмысы қорытындыланды. Қазақстан Қытайға темір жол көлігімен жүк экспортын ұлғайтып жатқаны атап өтілді. ҚР-дан ҚХР-ға 8,3 млн тонна түрлі жүк жөнелтілсе, бұл өткен жылдың алты айынан 37%-ке артық.

Бірінші жартыжылдықта астық жүктерінің экспорты үш есеге, 1 млн тоннаға дейін, металл кені 15%-ке, 4 млн тоннаға дейін, оның ішінде 2,6 млн тонна темір кені өсті, бұл өткен жылғы қаңтар-маусым деңгейінен 25%-ке  артық. Сонымен қатар 220 мың тонна түсті металдар экспортталып, өткен жыл көрсеткішіне өсім 55% құрады және де 75 мың тонна өсімдік майы (70% - ға).

Қытайдан Қазақстанға жүк импорты 2023 жылғы қаңтар-маусымда 13%-ке, 5,4 млн тоннаға дейін өсті. Өткен жылдың сәйкес кезеңімен салыстырғанда жеңіл автомобильдер 13%-ке, құрылыс жүктері - 30%-ке, ал химиялық жүктер-5%-ке көп импортталды.

Елдер арасындағы теміржол көлігімен тасымалдау көлемі 13,7 млн тоннаны құрады, бұл өткен жылдың сәйкес кезеңімен салыстырғанда 26%-ке артық.

Екі елдің шекара маңы станциялары ұжымдарының бірлескен шаралары мен үйлесімді жұмысы Қытаймен шекара өткелдері арқылы теміржол көлігімен жүк тасымалдау көлемін ұлғайтуға ықпал етеді.

 «Қазақстан темір жолы» ҰК» АҚ баспасөз қызметі