ҚҰРМЕТТІ ӘРІПТЕСТЕР!
Адамдар біз үшін басты құндылық! Сондықтан еңбек қауіпсіздігі мәдениетін үздік...
«ҚТЖ» ҰК» АҚ желілері бойынша эксплуатациялық жүк айналымы 2018 жылдың 8 айында 144,9 млрд тонно км неттоны құрады, бұл 2017 жылдың сәйкес кезеңімен салыстырғанда 8,2%-ға көп.
Жыл басынан бері 166,6 млн тонна жүк тиелген, бұл өткен жылға қарағанда 6,7%-ға артық. Соның ішінде темір кені(11,8%), түрлі –түсті кен(7,3%), химиялық тыңайтқыштар(12,4%), құрылыс жүктері(17%) тиелімі өскен.
ҚР облыстық әкімдіктері тұтынушыларының мекенжайына коммуналдық-тұрмыстық көмір тиеу өткен жылдың сәйкес кезеңіне қарағанда 5%-ға көбейген. Жыл басынан бастап 7 млн тонна астық тиеліп, бұл былтырдан 46%-ға көп болды, оның 5,3 млн тоннасы экспортқа жөнелтілген, ол 2017 жылдың сәйкес мерзімімен салыстырғанда 1,9 есеге көп. Бұл ретте экспорт үшін негізгі бағыттар болып Орталық Азия елдері (48%), Ресей(16%),Иран(15%) қалып отыр.
Сонымен бірге қаңтар айы мен тамыз аралығында ұн мен тартылған ұн өнімдерінің тасымал көрсеткіші артты: ағымдағы жылдың 8 айында 2,1 млн тонна ұн тиелген, бұл жоспардағыдан 7%-ға, ал өткен жыл көрсеткішінен 2%-ға көп. Экспорттық бағытта 1,6 млн тонна ұн тасымалданып, бұл өткен жылғы көлемнен 2%-ға артық болды.
Қырғызстан(46%), Өзбекстан (8%), Қытай(2%) және Болашақ станциясы (13%) теміржолдарындағы шекаралық өткелдер арқылы импорт тасымалының артқаны байқалды.
Экспорттық бағыттағы жүк тасымалының көлемі 53,4 млн тоннаны құрап, өткен жылдың сәйкес кезеңімен салыстырғанда 6%-ға артты. Экспорттың анағұрлым жоғары өсімі Қытай(60%), Өзбекстан(33%), Түрікменстан(2 есе) шекаралық теміржол өткелдерінде анықталды. Ақтау теңіз порты арқылы жүк жөнелту көлемі 2%-ға өсті.
Қазақстан аумағы арқылы 2711 контейнерлік пойыз жүріп өткен. Олардың 1056-сы Қытай-Еуропа бағытында жүрген, бұл өткен жылдан 1,4 есеге көп. Ал керісінше бағытта 784 пойыз қатынап, 1,8 есеге көбейген. Бұл ретте бұрынғыдай негізгі өсім Ченду-Достық-Лодзь бағытында болған.
Жыл басынан бері 10 миллиардтан астам жолаушы-километрді құраған жолаушылар тасымалы да артып отыр.
«ҚТЖ-Жүк тасымалы» АҚ баспасөз қызметі
Адамдар біз үшін басты құндылық! Сондықтан еңбек қауіпсіздігі мәдениетін үздіксіз жетілдіру-басқарудың барлық деңгейлеріндегі әрбір басшының мін...
Сіздерді Отан қорғаушылар күнімен және Жеңіс күнімен құттықтаймыз! Әрбір ер адам өз Отанының, отбасының қорғаушысы. Осы күні нағыз ер азаматты...
Қазақстан аймақтарына су тасқынына қарсы арнайы техниканы жедел жеткізуді «ҚТЖ-Жүк тасымалы» ЖШС ұйымдастырды. Бұл ауқымды іс-шара П...