«ҚТЖ» ҰК» АҚ жүк айналымы жыл басынан бері 9,8 % өсті

Биылғы қаңтар маусым аралығында «ҚТЖ» ҰК» АҚ желісінде жүк тасымалы, өткен жылдың сәйкес кезеңімен салыстырғанда 7,2 % жоғарылады. Алты айда жүк айналымы Директорлар кеңесі жоспарлағаннан 6,2 пайыз асыра орындалған. Бұл 2017 жылғы көрсеткішпен салыстырғанда 9,8 пайызға жоғары болды.

Маусым айында жүк тиеу көлемі жоспардағыдан 5,4 пайызға жоғары болса, 2017 жылмен салыстырғанда 7,4 пайыз жоғары болып отыр. Оның ішінде астық тасымалы 777,4 мың тоннаны құрады. Бұл 2017 жылмен салыстырғанда 29,9 пайызға жоғары көрсеткіш. Оның 543,2 мың тоннасы экспортқа шығарылды. Бұл өткен жылмен салыстырғанда 44 пайыз жоғары болып отыр.

Жыл басынан бері Қазақстан аумағымен 1861 контейнерлік пойыздар өткен. Қытайдан Еуропаға қарай контейнерлік пойыз өткен жылмен салыстырғанда 1,4 есеге көбейген. Кері қарайғы бағдарға транзиттік тасымал көлемі 1,6 есеге өскен.

«ҚТЖ» ҰК» АҚ баспасөз қызметі