«ҚТЖ» ҰК» АҚ-ның жүк айналымы жыл басынан бері 9,8 % артты

«ҚТЖ» ҰК» АҚ желілеріндегі жүк тиеу көлемі 101, 9 млн. тоннаға жеткізілді. Бұл өткен жылдың сәйкес мерзімімен салыстырғанда 7,1 % жоғары көрсеткіш.

Мамыр айындағы тәуліктік орташа тиеу жоспардағыдан 5,7%, өсті. Ол 2017 жылмен салыстырғанда 7,2% жоғары.

Жыл басынан бері астық тиеу көлемі 4,9 млн. тоннаға жеткізілді. Ол өткен жылмен салыстырғанда 49% жоғары көрсеткіш. Оның ішінде экспортқа – 3,7 млн. тонна шығарылды. Ол 2017 жылмен 79% жоғары.

Қаңтар мамыр айларында ұн және ұн өнімдерінің 1,4 млн. тоннасы тиелсе, ол өткен жылмен салыстырғанда 18% жоғары. Оның ішінде бір миллион тоннасы экспортқа жөнелтілді. Бұл өткен жылмен салыстырғанда 21% жоғары.

Экспорттық жүк тасымалы 32,8 миллион тоннаға жеткізілді. Әсіресе, шекаралық теміржол өткелдерінде тасымал көлемі Қытай (52%), Өзбекстан (35%), Түркменстан (2,2 есе) артқан. Ақтау теңіз порты арқылы жүк жөнелту 38% өсті.

Биылғы жыл басынан бері импорттық тасымал көлемі 6,8 млн. тоннаға жеткізілді. Бес айда өткен жылмен салыстырғанда 14 мың тоннаға артқан. Оның ішінде шекаралық теміржол өткелдерінде Қытай

16%, Өзбекстан - 11%, Қырғызстан- екі есеге, Болашақ теміржол өткелі арқылы -18% өсті. Жыл басынан бері 1457 контейнерлік пойыз Қазақстан аумағымен өтті. Оның ішінде Қытай-Еуропа бағдары 1,3 есеге өсті. Кері бағытта Еуропадан Қытайға қарай 1,5 есеге өсті. Негізгі транзиттік тасымал Ченду – Достык – Лодзь бағдарына өсті.

«ҚТЖ-Жүк тасымалы» баспасөз қызметі