«ҚТЖ-Жүк тасымалы» ЖШС ҚР мен ҚХР арасындағы тасымалдау көлемінің артқанын атап өтті.

Ұлттық жүк тасымалдаушы Қазақстан Республикасы мен Қытай Халық Республикасы арасындағы тасымалдау көлемінің айтарлықтай өсуін атап өтуде.  Соңғы мәліметтерге сәйкес, 2024 жылдың қаңтар айындағы жүк тасымалдау көлемі 2023 жылдың сәйкес кезеңімен салыстырғанда 22 пайызға артып, 2,4 млн. тоннаны құрады.
2023 жылдың қаңтарымен салыстырғанда 43%-ға өсіп, 1 млн тоннаны құраған Қытайға жүк экспорты ерекше жоғары серпін көрсетуде.  Бұл қомақты өсім тасымалданатын жүктердің барлық номенклатурасы бойынша байқалады, соның ішінде:

- Темір кені 19%-ға;
- Астық 37%-ға;
- Қара металдар 2 есе;
- Түсті металдар 2,2 есе;
- Контейнерлердегі басқа да жүктер 2,2 есеге артқан.

«ҚТЖ-Жүк тасымалы» ЖШС Қытай Халық Республикасындағы әріптестерімен үздіксіз жеткізімді  қамтамасыз ету бойынша тұрақты негізде жұмыс жүргізуде.